Лінкі ўнівэрсальнага доступу

У Магілёве судзяць праваабаронцу Валадара Цурпанава. Ён заявіў, што яго катавалі


Валадар Цурпанаў, архіўнае фота
Валадар Цурпанаў, архіўнае фота

У Ленінскім судзе Магілёва пройдзе працэс над мясцовым праваабаронцам Валадарам Цурпанавым.

Пасьля затрыманьня 30 траўня Цурпанава трымалі ў Ленінскім райаддзеле міліцыі Магілёва, хоць у пастарунку раней заяўлялі, што яго там няма.

Пасьля таго як праваабаронцу прывезьлі ў суд, ён заявіў, што яго катавалі: не кармілі падчас затрыманьня, начаваў ён у вельмі цесным пакойчыку.

Учора ў 12:40 Цурпанава затрымалі ў будынку магілёўскай пракуратуры, пратрымалі ва ўмовах абмежаваньня волі больш за 4 гадзіны, склалі пратакол аб адміністрацыйным правапарушэньні, паводле якога ён не падпарадкоўваўся патрабаваньням міліцыі. Пасьля гэтага ні сваякі, ні журналісты ня ведалі дакладна, дзе ён.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG