Кампанія «Хёндэ Матор Камэрцыйныя Аўтамабілі Рус», афіцыйны дыстрыб’ютар камэрцыйнай тэхнікі Hyundai ў Расеі, атрымала статус афіцыйнага дыстрыб’ютара брэнда ў Беларусі. Пра гэта са спасылкай на прэсавую службу кампаніі перадае БЕЛАПАН.
«Беларускі рынак зьяўляецца важным стратэгічным напрамкам нашага разьвіцьця. Асобна я хачу адзначыць, што ўсе праграмы падтрымкі афіцыйных дылераў Hyundai, якія ажыцьцяўляюцца на тэрыторыі Расеі, будуць рэалізаваныя і на тэрыторыі Беларусі. Гэта датычыцца і прасоўваньня брэнда Hyundai ў цэлым», — заявіў генэральны дырэктар «Хёндэ Матор Камэрцыйныя Аўтамабілі Рус» Аляксей Храмцоўскі.
Акрамя таго, былі праведзеныя перамовы з буйнымі лягістычнымі кампаніямі Беларусі. Беларускія партнэры адзначылі, што грузавыя аўтамабілі Hyundai выдатна зарэкамэндавалі сябе на мясцовым рынку і пасьпяхова лідзіруюць сярод расейскіх і замежных аналягаў.