ПАДЗЕІ ДНЯ
Горадня. Дзень ручнікоў у нацыянальным стылі. Месца правядзеньня — Цэнтар рамёстваў «Спадчына» (вул. Рэйманта 12).
Браслаў. На Замкавай гары адбудзецца сярэднявечны фэст «Меч Брачыслава». У праграме – рыцарскія двубоі, сярэднявечныя танцы, салют, канцэрт гурту NAVI. Пачатак а 17:00
Менск. У рамках Дзён культуры Ізраілю адкрываецца выстава ілюстрацый дзіцячых кніг, выдадзеных у Ізраілі за пэрыяд з 1948 па 2014 год. Месца правядзеньня — Галерэя «Дом карцін» (пр. Пераможцаў 89.) Пачатак а 19:00
Менск. У рамках выставы «Сацыялістычны сюррэалізм. Нонканфармісцкае мастацтва з калекцыі Андрэя Плясанава» адбудзецца лекцыя «Беларускі авангард 1980-х: плян зьместу і плян выражэньня». Чытае навуковы супрацоўнік Нацыянальнага мастацкага музэю Аліна Стралкоўская. Месца правядзеньня — НММ (вул Леніна, 20). Пачатак а 15.00
Менск. Другі фэстываль вулічнай ежы Vulitsa. Ezha. Месца правядзеньня — Парк Чалюскінцаў (пр. Незалежнасьці, 84/1). Пачатак а 12:00
Менск. Вялікі дабрачынны канцэрт, удзел у якім возьмуць вядомыя беларускія музыкі. Усе сабраныя грошы пойдуць на аздараўленьне выхаванцаў Дзіцячага дому-інтэрнату для дзяцей-інвалідаў з асаблівасьцямі псыха-фізычнага разьвіцьця. Месца правядзеньня — Клюб «Re: Public» (вул Прытыцкага, 62.) Пачатак а 19:00
Менск. Прэс-мерапрыемства — урок «Чытаем па-беларуску з Velcom» пройдзе пад адкрытым небам у парку Янкі Купалы. Пачатак а 11:30
ЁСЬЦЬ НАГОДА
Полацк. Дзень гораду
У гісторыі:
1569 — падпісаная Люблінская унія, якая аб’яднала Польшчу і Вялікае княства Літоўскае ў Рэч Паспалітую. Літва захавала частковую аўтаномію: асобнае заканадаўства і суды, казну, войска, шэраг пасадаў. Афіцыйнай мовай Літвы засталася старабеларуская.
1871 — пасьля тыдня крывавых баёў разгромленая Парыская камуна.
1917 — у Менску выйшаў першы нумар газэты «Вольная Беларусь» пад рэдакцыяй Язэпа Лёсіка.
1918 — абвяшчэньне незалежнасьці Армэніі і Азэрбайджану.
1961 — у Лёндане была ўтвораная праваабарончая арганізацыя Amnesty International.
1987 ― 19-гадовы заходненямецкі пілёт Маціяс Руст саджае прыватны самалёт «Сэсна-173П» на Чырвонай плошчы ў Маскве.
У гэты дзень нарадзіліся:
1881 — Іван Луцкевіч, пачынальнік беларускага нацыянальнага руху, археоляг.
1908 — Ян Флемінг, брытанскі пісьменьнік, аўтар раманаў пра Джэймса Бонда.
1960 — Алесь Аркуш, беларускі пісьменьнік, заснавальнік Таварыства Вольных Літаратараў і літаратурнай прэміі «Гліняны Вялес».
У гэты дзень памерлі:
1549 — Аляксандар Хадкевіч, дзяржаўны дзяяч Вялікага Княства Літоўскага.
1863 — у баі каля в. Уладыкі (цяпер Вялейскі раён) забіты Вікенці Козел, адзін з кіраўнікоў паўстаньня 1863-1864 г.
ЦЫТАТА НА ПАМЯЦЬ
Над балотам захад сонца.
Пасярод, нібыта рана,
Багны дрогкае вакенца
Чырванее. За парканам
З трысьнягу, аеру, хлуду
Цішыня — як погляд Бога,
Быццам там чакаюць цудаў,
Ці даўно няма нікога.
Алесь Аркуш, верш «Над балотам захад сонца»
