Лінкі ўнівэрсальнага доступу

Трэнэр Уладзімір Шантаровіч: сьляды мэльдонію сапраўды выяўленыя ў пяці беларусаў. Двое зь іх — браты Багдановічы


Аляксандар і Андрэй Багдановічы.

Галоўны трэнэр нацыянальнай зборнай Беларусі па веславаньні на байдарках і каноэ Ўладзімір Шантаровіч у інтэрвію выданьню «Прессбол» пракамэнтаваў інфармацыю францускага выданьня Le Monde пра допінг, знойдзены ў крыві яго падапечных.

«Сьляды мэльдонію сапраўды выяўленыя ў пяці нашых спартсмэнаў. Двое зь іх — гэта браты Багдановічы. Яшчэ трое — канаіст Максім Пятроў, байдарачнікі Аляксандр Ляпешка і Дзьмітрый Сільчанка — не ўваходзяць у алімпійскую зборную. Ніякага „больш цяжкага допінгу“ як паведамляецца, у хлопцаў ня знойдзена. Пробы былі ўзятыя ў сакавіку Францускім нацыянальным антыдопінгавым агенцтвам. Пры гэтым, наколькі мне вядома, утрыманьня мэльдонію ва ўсіх тэстах не перавышае нормаў, абумоўленых ВАДА ў вядомым дакумэнце, распаўсюджаным усімі СМІ. Тым ня менш зараз вядзецца расьсьледаваньне з гэтай нагоды. Францускае агенцтва будзе высьвятляць, калі менавіта забаронены цяпер прэпарат трапіў у арганізм беларускіх спартсмэнаў — да або пасьля 1 студзеня. Кожны выпадак расьсьледуецца асобна».

Раней сёньня расейскія сродкі масавай інфармацыі паведамілі, што мэльдоній знойдзены ў 17 беларускіх спартоўцаў.

На гэтую заяву нават зрэагавала міністэрства спорту Беларусі. Заўтра плянуецца агучыць афіцыйную заяву на гэты конт.

Ігар Лосік Кацярына Андрэева Ірына Слаўнікава Марына Золатава Ягор Марціновіч

Самае папулярнае

XS
SM
MD
LG