Лінкі ўнівэрсальнага доступу

450 амэрыканскіх пісьменьнікаў выступілі супраць Дональда Трампа


Пуцін і Трамп. Графіці ў Літве.

Больш за 450 амэрыканскіх пісьменьнікаў падпісалі электронную пэтыцыю супраць найбольш верагоднага кандыдата ў прэзыдэнты Злучаных Штатаў ад Рэспубліканскай партыі Дональда Трампа.

Літаратары, сярод якіх Стывен Кінг, Жуна Дыяс і Дэвід Эгерс, зьмясьцілі онлайн-зварот «Адкрыты ліст да амэрыканскага народу», у якім абвінавачваюць Трампа ў «заахвочваньні агрэсіі сярод сваіх пасьлядоўнікаў» і «запалохваньні іншадумцаў».

«Сутнасьць амэрыканскага экспэрымэнту з самага пачатку заключалася ў тым, каб гуртаваць людзей, а не нацкоўваць іх адзін на аднаго», — гаворыцца ў пэтыцыі.

Нягледзячы на тое, што аўтары онлайн-ліста выступаюць супраць вылучэньня Трампа на выбарах у якасьці кандыдата ў прэзыдэнты краіны, у тэксьце пэтыцыі няма заклікаў галасаваць за яго палітычных апанэнтаў. Да моманту публікацыі пэтыцыю падпісала больш за 8500 чалавек.

Пасьля перамогі на першасных выбарах у штаце Вашынгтон 24 траўня, рэспубліканец Дональд Трамп усутыч наблізіўся да вылучэньня сваёй кандыдатуры ў прэзыдэнты ЗША. Гэта стане магчымым, калі да 7 ліпеня ён набярэ 14 галасоў дэлегатаў, якіх яму нестае для патрэбных 1237, каб заручыцца падтрымкай Рэспубліканскай партыі.

Ігар Лосік Кацярына Андрэева Ірына Слаўнікава Марына Золатава Ягор Марціновіч

Самае папулярнае

XS
SM
MD
LG