Лінкі ўнівэрсальнага доступу

The New York Times: на корпусе самалёта EgyptAir быў надпіс з пагрозамі


Рэактыўны самалёт EgyptAir, які абрынуўся ў Міжземнае мора ў чацьвер, быў ужо аб’ектам палітычных вандалаў, якія напісалі на арабскай мове на яго корпусе: «Мы саб’ем гэты самалёт.»

The New York Times паведамляе са спасылкай на службу бясьпекі EgyptAir, что пагрозьлівыя надпісы на корпусе, якія зьявіліся каля двух гадоў таму, былі справай рук работнікаў грамадзянскай авіяцыі ў аэрапорце Каіра. Граючы на фанэтычным падабенстве паміж двума апошнімі літарамі ў рэгістрацыйным кодзе самалёта SU-GCC і прозьвішчы прэзыдэнта Эгіпту, Ас-Сісі, работнікі аэрапорту таксама расьпісалі корпус надпісамі «здраднік» і «забойца». Аднак службы бясьпекі авіякампаніі EgyptAir зьвязалі пагрозьлівае графіці з тагачаснай унутранай палітычнай сытуацыяй у Эгіпце, калі прэзыдэнт Мурсі быў адхілены ад улады, а не з пагрозай тэракту.

Самалёт А320 авіякампаніі EgyptAir, які выконваў рэйс з Парыжу ў Каір, у ноч на 19 мая зваліўся ў Міжземнае мора. На борце самалёта знаходзіліся 66 чалавек, у тым ліку 56 пасажыраў. Сярод іх былі 30 грамадзян Эгіпту, 15 грамадзян Францыі і прадстаўнікі яшчэ 11 дзяржаў.

Прэзыдэнт Эгіпту Абдэль Фатах Ас-Сісі абвясьціў, што да меркаванага месца крушэньня самалёта А320 авіякампаніі EgyptAir ў Міжземным моры адпраўлены падводны човен, які зоймецца пошукамі «чорных скрыняў» ляйнэра. Гэты падводны човен можа апускацца на глыбіню да трох кілямэтраў.

Ігар Лосік Кацярына Андрэева Ірына Слаўнікава Марына Золатава Ягор Марціновіч

Самае папулярнае

XS
SM
MD
LG