Праваслаўныя актывісты не дазволілі прадстаўнікам сэксуальных меншасьцяў прайсьці 22 траўня парадам ў цэнтры Кішынёва, паведаміў прадстаўнік ЛГБТ-арганізацыі Ganderdoc-M.
Паводле яго, паліцыянты эвакуіравалі ЛГБТ-актывістаў, каб не дапусьціць сутыкненьня з праваслаўнымі, якія калёнай ішлі насустрач. Перад эвакуацыяй прадстаўнікоў сэкс-меншасьцяў закідалі яйкамі.
Раней у камісарыяце паліцыі Кішынёва паведамілі, што в.а. генэральнага інспэктарата паліцыі Георге Кавкалюк пераканаў ЛГБТ-актывістаў зьмяніць першапачатковы маршрут, каб пазьбегнуць сутыкненьняў з парлямэнцкай Партыяй сацыялістаў (ПСРМ), якая праводзіць фэст сям’і на плошчы Вялікага нацыянальнага сходу.
Парад, які не адбыўся, зьяўляўся часткай кампаніі «Бяз страху». Напярэдадні свой удзел у парадзе «Бяз страху!» пацьвердзілі прадстаўнікі дэлегацыі Эўразьвязу ў Малдавіі, палітычны дарадца амбасады ЗША ў Малдавіі Пол Гордан, пасол Італіі ў Малдавіі Энрыка Нунцыята, шэраг грамадзкіх дзеячаў.
Кіраўнік Партыі сацыялістаў Малдавіі Ігар Дадон напярэдадні параду заявіў, што «Малдова 675 гадоў жыла беяз гейскіх парадаў і гэтак жа шмат гадоў у стане пражыць бязь іх. Лепш нам сябраваць з краінамі, дзе традыцыйныя і здаровыя сем’і».
