Міністар замежных спраў Расіі Сяргей Лаўроў прыбывае сёньня ў Мінск з афіцыйным візытам.
Падчас візыту, які будзе працягвацца 15-16 траўня, Лаўроў сустрэнецца з Аляксандрам Лукашэнкам, кіраўніком МЗС Беларусі Уладзімерам Макеем, прадстаўнікамі грамадзкіх арганізацый, а таксама выкладчыкамі і студэнтамі Факультэта міжнародных адносін БДУ.
Пра гэта паведамляе прэс-служба МЗС Расеі.
У паведамленьні зьнешнепалітычнага ведамства Расеі пры гэтым не ўдакладняецца з прадстаўнікамі якіх грамадзкіх арганізацыяў сустрэнецца ў Менску Сяргей Лаўроў. У ходзе візыту плянуецца абмеркаваць каардынацыю дзеяньняў Расеі і Беларусі ў галіне зьнешняй палітыкі, а таксама «шырокае кола актуальных пытаньняў расейска-беларускага супрацоўніцтва».
