Лінкі ўнівэрсальнага доступу

У Менск прыедзе лідэр Туркмэністану


Гурбангулы Бердымухамедаў і Аляксандар Лукашэнка, архіўнае фота
Гурбангулы Бердымухамедаў і Аляксандар Лукашэнка, архіўнае фота

Прэзыдэнт Туркмэністану Гурбангулы Бердымухамедаў 11-12 траўня з афіцыйным візытам наведае Беларусь. Пра гэта паведамляе БелТА.

Бердымухамедаў сустрэнецца з Лукашэнкам сам-насам, а таксама ў пашыраным складзе, з удзелам чальцоў дэлегацый дзьвюх краін.

Плянуецца, што на перамовах Аляксандар Лукашэнка і Гурбангулы Бердымухамедаў абмяркуюць стан і пэрспэктывы беларуска-туркмэнскага супрацоўніцтва ва ўсіх сфэрах, а таксама падпішуць сумесную заяву, накіраваную на ўмацаваньне беларуска-туркмэнскага супрацоўніцтва.

Гурбангулы Бердымухамедаў кіруе Туркмэністанам ужо 10 гадоў, мае неафіцыйныя тытулы «Лідэр нацыі» і «Заступнік» («Аркадаг»). Падчас апошніх прэзыдэнцкіх выбараў за яго прагаласавала 97,14% выбарцаў. Туркмэністан лічыцца краінай з адной з найбольш жорсткіх на постсавецкай прасторы аўтарытарных рэжымаў кіраваньня.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG