18 красавіка Вярхоўны суд прызнаў законнай нерэгістрацыю Міністэрствам юстыцыі партыі «Беларуская хрысьціянская дэмакратыя».
Разам з грамадзкімі арганізацыямі агульная колькасьць адмоў у спробе легалізацыі хрысьціянскіх дэмакратаў у Беларусі ўжо перакрочыла другі дзясятак, паведамляе прэс-служба БХД.
Паводле адказнага сакратара Дзяніса Садоўскага, адмова ў рэгістрацыі партыі была абсалютна прадказальная:
«БХД працягвае сваю дзейнасьць. Відаць, толькі пры зьмене ўлады ў Беларусі хрысьціянскія дэмакраты ў краіне будуць зарэгістраваныя», — заявіў Садоўскі.
