Частка дэманстрантаў пачала шэсьце з раёну Моленбэк, які стаў вядомым у сувязі са шматлікімі паліцэйскімі апэрацыямі і затрыманьнем датычных да тэрарызму. На мітынгу пасьля заканчэньня шэсьця выступілі пацярпелыя ад тэрактаў у Брусэлі і сваякі загінулых. Удзельнікі мітынгу заклікалі да адзінства і да адмовы ад падзелу бэльгійцаў на абшчыны — «габрэяў», «уцекачоў», «мусульман».
Дэманстрацыя першапачаткова плянавалася на 27 сакавіка, але была адменена ў сувязі зь дзейным у краіне рэжымам надзвычайнага становішча і падвышанай пагрозай новых тэрарыстычных нападаў.