Францыя паведаміла, што 5 красавіка ў Вене адбудзецца сустрэча пасярэднікаў у армяна-азэрбайджанскім канфлікце ў Нагорным Карабаху.
Як паведамляе Deutsche Welle, у заяве Міністэрства замежных спраў Францыі таксама адзначаецца, што кіраўнік францускага ведамства Жан-Марк Эро зьвязаўся зь міністрам замежных спраў Армэніі і заклікаў да неадкладнага замірэньня.
Менская група была ўтворана ў 1992 годзе дзеля ўрэгуляваньня канфлікту ў Нагорным Карабаху. Сустаршыні групы — Расея, ЗША і Францыя. Пастаянныя чальцы Менскай групы АБСЭ — Беларусь, Нямеччына, Італія, Швэцыя, Фінляндыя і Турэччына, а таксама Армэнія і Азэрбайджан.
