Папа Рымскі Францішак у сваім велікодным звароце нагадаў пра нядаўнія выбухі ў Брусэлі.
Як перадае BBC, ён заклікае вернікаў перамагчы пэсымізм і страх.
«Давайце не дазваляць страху i цемры завалодваюць нашымі сэрцамі», — падкрэсьліў пантыфік.
Кіраўнік Англіканскай царквы арцыбіскуп Кентэрбэрыйскі Джастын Уэлбі таксама закрануў тэму страху ў сваёй нядзельнай казані.
«У дзень Вялікадня надзея рашуча пераадольвае страх. Страх вытлумачальны, гэта нармальная чалавечая рэакцыя. Вялікдзень паказвае нам у плоці, што страх, сьмерць і тэрор — не галоўныя словы. Словы Бога — жыцьцё, надзея і мэта. Тэрор кажа пра сьвет, якая ваюе з самім сабой, пра вераваньні, якія ўчапіліся адно аднаму ў горла. Ісус Хрыстос працягвае да нас рукі не для таго, каб выгнаць, а каб абняць: гэта сьвяткаваньне перамогі Бога, і ў цёмную гадзіну мы сьвяткуем яе, узносячы сьвятло нашай хвалы і набажэнства», — упэўнены Ўэлбі.
