Лінкі ўнівэрсальнага доступу

#ДзеньВолі: палітыкі заклікалі да «Рыгі», «арт-сядзібаўцы» — да сьпеваў


Дзень Волі 2016

Арганізатары акцыі вырашылі пагадзіцца толькі на палову прапанаванага ўладамі шляху. А палова мітынгоўцаў не пагадзілася на іхную прапанову.

Удзельнікаў акцыі на Дзень Волі запрасілі пайсьці ад кінатэатру «Кастрычнік» да гандлёвага цэнтру «Рыга» – гэта частка дазволенага ўладамі маршруту на акцыю. Адтуль прапануецца разысьціся і адзначаць сьвята далей паасобку. Тлумачэньне такога маршруту – «Рыга» гэта сымбаль эўрапейскай сталіцы, імкненьня Беларусі да Эўропы.

Другую частку маршруту, да плошчы Бангалор, а таксама прапанову мітынгу ў Парку дружбы народаў, Вячаслаў Сіўчык, Рыгор Кастусёў, Віталь Рымашэўскі і іншыя вырашылі праігнараваць.

Вялікая частка натоўпу рушыла да «Рыгі», але вялікая частка засталася каля кінатэатра «Кастрычнік». Заставацца зьбіраюцца і актывісты «Арт-сядзібы», якія наракалі: палітыкі не далі завершыць ім забаўляльныя акцыі, перабіўшы гульні і сьпевы прамовамі. Па завяршэньні прамоваў палітыкаў сябры «Арт-сядзібы» працягнулі сьпяваць праз гукаўзмацняльнікі песьні гурту «Ляпіс Трубяцкі». Песьні таго ж гурту сьпявае калёна, якая ідзе да «Рыгі».

Міліцыя не замінае ні той частцы мітынгоўцаў, якая рушыла да «Рыгі», ні той, якая застаецца ля «Кастрычніка».

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG