Некалькі актывістаў Беларускай хрысьціянскай дэмакратыі прыйшлі ў райвыканкам і перадалі падарунак чыноўнікам.
Паводле актывіста Івана Бедкі, старшыні райвыканкаму Алегу Таргонскаму яны ўручылі бел-чырвона-белы сьцяжок з Пагоняй і «Народную волю» з інфармацыяй пра ўтварэньне БНР:
«Старшыня райвыканкаму, канечне, трохі разгубіўся ад нашага падарунка, але сказаў, што не пакрыўдзіўся. Мы паклалі падарунак у прыёмнай, бо ён вельмі некуды сьпяшаўся».
Заўтра ў Слоніме прадстаўнікі дэмакратычных арганізацый ладзяць урачысты сход з нагоды 98-й гадавіны ўтварэньня БНР.
