25 сакавіка ў судзе Цэнтральнага раёну Менску пачнецца разгляд адміністрацыйных спраў супраць актывістаў, якія пікетавалі расейскую амбасаду ў Менску з патрабаваньнем вызваліць украінскую лётчыцу Надзею Саўчанку.
Акцыя праходзіла 9 сакавіка. На многіх удзельнікаў пікету міліцыянты склалі адміністрацыйныя пратаколы за ўдзел у несанкцыянаванай акцыі.
Паводле праваабаронцаў «Вясны», позвы ў суд ужо атрымалі актывісты Натальля Махнач, Рыгор Чэркан, Натальля Басалыга, Яўген Батура, Галіна Лукашэвіч, Вольга Мікалайчык, Уладзімер Шыпіла, Натальля Міцкевіч, Натальля Саматыя і Алег Гаеўскі.
