Двухгаловых кароваў тут не знайсьці, затое зачасьцілі аматары экстрымальных падарожжаў, «самаходаў», як яны самі сябе называюць. Іх місія — нелегальна прабрацца ў зону адчужэньня, дасьледаваць яе некалькі дзён запар і, галоўнае, ня трапіць на вочы міліцыі.
«Зусім іншыя эмоцыі, калі ты ідзеш неафіцыйна. Ты ідзеш ноччу, адзін ідзеш, доўга, вельмі стамляесься, вады няма, ежы няма », - распавядае «самаход» Артур Калмыкоў.
Артура, паводле яго слоў, не палохаюць аповеды пра радыяцыю, адсутнасьць турыстычных маршрутаў і нават магчымасьць трапіць у пастарунак міліцыі.
