«Я прыняў рашэньне сысьці і скончыць сваё палітычнае жыцьцё у 2018 годзе», — сказаў 73-гадовы палітык у звароце да членаў кіруючай партыі краіны.
Душ Сантуш займае прэзыдэнцкі пост зь верасьня 1979 году. Ён ужо заяўляў пра пляны скончыць сваю палітычную кар’еру ў 2001 годзе, аднак чарговы раз быў пераабраны і застаўся пры ўладзе.
Ангола — другі паводле велічыні экспарцёр нафты ў сьвеце, падзеньне сусьветных цэн на нафту моцна падарвала эканоміку краіны.
Цяпер улады афрыканскай краіны вядуць перамовы з Сусьветным банкам і МВФ аб атрыманьні фінансавай дапамогі.
На сёньняшні дзень душ Сантуш застаецца адным з рэкардсмэнаў па тэрмінах праўленьня сярод сусьветных лідэраў. Яго апярэджвае толькі прэзыдэнт Камэруну Поль Бія, які ўзначальвае краіну з 1975 году.