Лінкі ўнівэрсальнага доступу

Гарбачоў лічыць сваімі галоўнымі дасягненьнямі свабоду і галоснасьць


Міхаіл Гарбачоў падча сёньншняй прэзэнтацыі.

Экс-прэзыдэнт СССР прыняў сёньня ўдзел у прэзэнтацыі кнігі «Гарбачоў у жыцьці», падрыхтаванай «Гарбачоў-Фондам». Кніга больш чым на 700 старонак выйшла напярэдадні юбілею палітыка, якому 2 сакавіка спаўняецца 85 гадоў.

У абшырны зборнік увайшлі ўспаміны, інтэрвію, дакумэнты, лісты, артыкулы самога Гарбачова, а таксама яго дарадцаў і памочнікаў, дзеячаў культуры, журналістаў, прадпрымальнікаў, герархаў Расейскай праваслаўнай царквы.

Выступаючы на прэзэнтацыі, Гарбачоў запэўніў, што застаецца верны ідэям перабудовы. «Я быў і застаюся адданы той ідэі і выбару, які я зрабіў», — падкрэсьліў ён. Па словах былога савецкага лідэра, калі б ён застаўся на чале дзяржавы, то праводзіў бы рэформы «эвалюцыйным шляхам і без усялякіх шокаў». Ён таксама заклікаў пераадолець наступствы сталінізму ў грамадзтве: «Я шчыра кажу — сталінізм трэба пераадолець. Мільёны сышлі з-за Сталіна».

Адказваючы на пытаньне журналістаў пра сучасную дзяржаўную палітыку, Гарбачоў гаварыў пра неабходнасьць чэсных выбараў: «трэба даць магчымасьць — як мы ў 1989-м далі ўпершыню ў гісторыі нашай дзяржавы — адкрыта галасаваць, рабіць выбар.» Паводле апошняга савецкага прэзыдэнта, сумленныя выбары служаць ачышчэньню ўлады.

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG