Лінкі ўнівэрсальнага доступу

Камэнтаванае выданьне «Майн кампф» стала бэстсэлерам


Кніга Адольфа Гітлера «Майн кампф» з крытычнымі камэнтарамі экспэртаў стала бэстсэлерам у Нямеччыне. Адзначаецца, што нэанацысты праяўляюць да гэтай кнігі нязначную цікавасьць.

Выданьне кнігі Адольфа Гітлера «Майн Кампф» з крытычнымі камэнтарамі экспэртаў, выпушчанае Інстытутам сучаснай гісторыі у Мюнхэне, стала бэстсэлерам: з часу паступленьня ў продаж у студзені распрададзена ўжо 24 тысячы асобнікаў гэтай кнігі, і выдаўцы падумваюць пра новы наклад. «Попыт вялікі», — канстатавала прадстаўніца інстытуту ў суботу, 27 лютага.

Інстытут сучаснай гісторыі выпусьціў крытычнае выданьне «Майн кампф» у пачатку 2016 году пасьля шматгадовай падрыхтоўчай работы, нягледзячы на пратэсты, да якіх, у ліку іншых, далучылася старшыня ізраільскай культурнай абшчыны Мюнхэну і Верхняй Баварыі Шарлотэ Кноблах, нагадвае «Нямецкая хваля».

На аснове аналізу дадзеных, якія паступаюць ад кнігарняў, інстытут прыйшоў да высновы, што кнігу набываюць, у асноўным, чытачы, якія цікавяцца гісторыяй і палітыкай, у той час як нэанацысты праяўляюць да яе нязначную цікавасьць.

Сёньня патрыманыя асобнікі кнігі прапануюцца ў анлайн-краме Amazon прыкладна за 150 эўра — амаль утрая даражэй за першапачатковы кошт. У рамках першага выданьня было выпушчана 4000 асобнікаў кнігі па цане 59 эўра за штуку.

Глядзець камэнтары (3)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG