Лінкі ўнівэрсальнага доступу

Лукашэнка: Таваразварот з Расеяй у 2015 годзе зьнізіўся больш як на чвэрць і падае трэці год


Аляксандар Лукашэнка выступае пасьля пасяджэньня Вышэйшага дзяржаўнага савету саюзнай дзяржавы
Аляксандар Лукашэнка выступае пасьля пасяджэньня Вышэйшага дзяржаўнага савету саюзнай дзяржавы

Падчас пасяджэньня вышэйшага дзяржасавету «саюзнай дзяржавы» ў Менску Аляксандар Лукашэнка так ахарактарызаваў цяперашнюю сытуацыю ў стасунках паміж Беларусьсю і Расеяй:

«Нашу інтэграцыю выпрабоўваюць на трываласьць глябальная эканамічная нестабільнасьць, крызіс даверу ў міжнародных адносінах, эскаляцыя збройных канфліктаў і абвастрэньне інфармацыйных войнаў. Зарукай дасягненьня агульных мэтаў інтэграцыі працягвае заставацца канструктыўны дыялёг у палітыцы, эканоміцы, бясьпецы, сацыяльнай і культурнай сфэрах».

Паводле Лукашэнкі, Беларусь і Расея ня ў поўнай меры рэалізуюць патэнцыял гандлёва-эканамічных адносін:

«Ужо трэці год, на жаль, адзначаецца падзеньне ўзаемнага таваразвароту. У 2015 годзе ён зьнізіўся больш як на чвэрць. Гэтую нэгатыўную тэндэнцыю мы можам і павінны пераламаць сумеснымі намаганьнямі».

Кіраўнік Беларусі адзначыў, што любыя дысбалянсы ў адносінах паміж краінамі, няўзгодненасьць у правядзеньні эканамічнай палітыкі адчувальныя для ўзаемнага гандлю.

«Таму ліквідацыя бар’ераў, забесьпячэньне эфэктыўнага функцыянаваньня адзінага рынку тавараў, паслуг і капіталу, а таксама ўзаемная падтрымка — зоны нашага агульнага інтарэсу», — цытуе БелТА Лукашэнка.

Паводле кіраўніка Беларусі, падчас пасяджэньня будуць закранацца пытаньні вайсковага супрацоўніцтва:

«Ваенна-палітычныя крызысы, якія захоўваюцца, вяртаньне шэрагу краін да блёкавага мысьленьня, паўсюднае выкарыстаньне санкцыяў як інструмэнта палітычнага ціску вымушаюць нас трымаць порах сухім. Таму асаблівая ўвага сёньня будзе аддадзена абароннаму будаўніцтву».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG