У Менску завершыўся працэс над графіцістамі. Суд пакараў штрафамі:
Вадзіма Жаромскага — у 50 базавых велічынь(10 500 000 рублёў).
Максіма Пякарскага — у 40 базавых (8 400 000).
Вячаслава Касінерава — у 30 базавых (6 300 000).
У выніку ўсіх пакаралі штрафамі.
У залі прагучалі аплядысмэнты.
Жаромскі і Пякарскі прызнаныя вінаватымі ў псаваньні маёмасьці. Злоснага хуліганства ў дзеяньнях Пякарскага і Касінерава не ўстаноўлена.
Прысуд будзе праз гадзіну.
Касінераў: «Мы не хуліганы, мы больш адукаваныя, чым тыя, хто нас затрыміліваў. Нас судзяць за погляды, за тое, што мы супраць аўтарытарызму».Зноў аплядысмэнты ў залі.
Пякарскі назваў суд цемрашальствам і пачаў бараніць беларушчыну, заклікаў маладзёнаў яднацца.
У залі прагучалі аплядысмэнты.
«Састарэлыя ўтрымальнікі ўлады збаяліся нашай маладосьці», — пачаў прамову Жаромскі.
Далі апошяе слова Жаромскаму.
Пасьля прамоў адвакатаў прагучалі аплядысмэнты.
Шкода маёмасьці не даказаная, мяркуе адвакат Пякарскага, і просіць яго апраўдаць. Мяркуе, што Пякарскага перасьледуюць за выяўленьне ягоных поглядаў.
Абаронца Максіма Пякарскага мяркуе, што ў яго не было матыву на злоснае хуліганства. Малюнкі, якія зрабіў Пякарскі на плоце, не сапсавалі гэтую маёмасьць. І тое самае адносна малюнка на сьцяне будынка былой вайсковай часткі.
Пракурор лічыць віну усіх даказанай. Пякарскаму просіць шраф у 500 базавых велічынь, Жаромскаму — 2 гады без накіраваньня ў месцы зьняволеньня. Касінераву пракурор папрасіў 1,5 года без накіраваньня ў месцы зьняволеньня.