Падзеньне цэнаў на нафту рэзка паскорылася ў сьнежні. Прычынай экспэрты называюць лішак прапановы нафты на сусьветных рынках ва ўмовах досыць слабога попыту.
Здабыча нафты ў Іраку дасягнула рэкордных узроўняў, а ў панядзелак Савудаўская Арабія абвясьціла пра рашэньне не зьмяняць аб’ёмы здабычы нафты.
Акрамя таго, з моманту адмены санкцыяў Іран рыхтуецца аднавіць продаж сваёй нафты на міжнародных рынках і зноў атрымае доступ да міжнароднай фінансавай сыстэмы, якая абслугоўвае гэты гандаль.
У той жа час кіраўнік Міжнароднага валютнага фонду Крысьцін Лягард заявіла, што цэны на нафту могуць крыху ўзрасьці дзякуючы ажыўленьню попыту, якое стала прыкметным у апошнія месяцы, паведамляе ВВС.
