Прэзыдэнт Турэччыны Рэджэп Эрдаган заявіў, што сёньняшні выбух у цэнтры Стамбулу, які ўнёс жыцьці 10 чалавек, быў учынены сьмяротнікам з Сырыі.
Па словах Эрдагана, Турэччына зьяўляецца галоўнай мэтай усіх тэрарыстычных груповак рэгіёну, паколькі вядзе барацьбу супраць іх усіх.
Паліцыя лічыць, што за выбухам стаіць экстрэмісцкая групоўка «Ісламская дзяржава».
У ліку 15 параненых падчас сёньняшняга выбуху — 6 турыстаў зь Нямеччыны, адзін — з Нарвэгіі і адзін — з Пэру.
Згодна з інфармацыяй CNN, выбух адбыўся каля адной з галоўных славутасьцяў гораду — абэліску Феадосія на плошчы Султанахмэт.
Рух транспарту ў раёне выбуху прыпынены. Над плошчай лётае верталёт.
