Лінкі ўнівэрсальнага доступу

Эстонія падтрымала ініцыятыву Літвы не купляць электраэнэргію з АЭС Беларусі і Расеі


Міністар эканомікі Эстоніі Крыстэн Міхал падтрымаў пазыцыю Літвы, якая лічыць, што краіны Балтыі, Фінляндыя і Польшча не павінны купляць электраэнэргію з атамных станцыяў, якія будуюцца ў Астраўцы і Калінінградзкай вобласьці.

Пра гэта паведамляе BNS (Балтыйская служба навінаў) па выніках сустрэчы ў Таліне Крыстэна Міхала зь міністрам энэргетыкі Літвы Рокасам Масюлісам. Сустрэча адбылася 7 студзеня.

Міністры заявілі, што абедзьве дзяржавы будуць шукаць спосаб, каб не дазволіць імпарт «бруднай» электраэнэргіі з гэтых атамных станцыяў. Спэцыялісты Літвы і Эстоніі неадкладна прыступаюць да пошуку варыянтаў.

Гэтае пытаньне намячаецца падняць і на пасяджэньні Балтыйскай рады міністраў у канцы студзеня.

Ініцыятыва Літвы грунтуецца на тым, што атамныя станцыі, якія ўзводзяць Беларусь і Расея, пагражаюць навакольнаму асяродзьдзю. Акрамя таго, яны ствараюць несумленную канкурэнцыю на рынку электраэнэргіі. Літоўцы прапануюць спачатку абмеркаваць праблему на рэгіянальным роўні, а пасьля — і на роўні Эўразьвязу.

Ва ўмовах адсутнасьці дастатковай інфармацыі аб праекце занепакоеная дзеяньнямі Беларусі Літва зьвярнулася ў справе будоўлі атамнай станцыі ў Астраўцы ў Камітэт па выкананьні Орхускай канвэнцыі. У чэрвені 2015 году камітэт прадставіў высновы, згодна зь якімі Беларусь парушала палажэньні канвэнцыі.

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG