Як паведамляе агенцтва УНІАН са спасылкай на Bloomberg, кампанія ConocoPhillips 31 сьнежня адправіла танкер Theo T з грузам нафты і кандэнсату ў Італію з порту Корпус-Крысьці (штат Тэхас).
Груз прызначаны для швэйцарска-нідэрляндзкага трэйдара Vitol.
Агенцтва адзначае, што ў бліжэйшыя дні кампанія ConocoPhillips плянуе адправіць для Vitol яшчэ як мінімум адзін танкер з нафтай з порта Х’юстан (штат Тэхас).
Нагадаем, 18 сьнежня прэзыдэнт ЗША Барак Абама падпісаў праект бюджэту на 2016 год, які прадугледжвае зьняцьце забароны на экспарт сырой нафты з ЗША, які дзейнічаў апошнія 40 гадоў.