Лінкі ўнівэрсальнага доступу

Саакашвілі: Лукашэнка заўсёды добра трымаў расейскі націск


Міхаіл Саакашвілі (зьлева) і Аляксандар Лукашэнка разам з сынам Мікалаем

Экс-прэзыдэнт Грузіі, а цяпер — кіраўнік Адэскай вобласьці Міхаіл Саакашвілі лічыць, што ў беларусаў «ёсьць надзвычайны патэнцыял разьвіваць дэмакратыю, жыць ва ўмовах свабоды і мець будучыню».

Аб гэтым ён заявіў у інтэрвію Белсату.

«Пасьля вырашэньня сваіх праблемаў Беларусь будзе рухацца ў Эўропу нашмат хутчэй, чым кожная з краінаў нашага рэгіёну — проста зыходзячы з геаграфіі, натуры беларусаў і аб’ектыўнай рэальнасьці, якая тут складваецца», — падкрэсьліў ён.

Кажучы пра ролю Лукашэнкі ў канфлікце Расеі і Ўкраіны, Саакашвілі адзначыў, што ў яго няма адчуваньня, што Лукашэнка праводзіць антыўкраінскую палітыку:

Лукашэнка заўсёды добра трымаў расейскі націск, асабліва на першым этапе вайны ва Ўкраіне. Было б вельмі небясьпечна, калі б Беларусь уключылася ў гэтую справу.

«Наколькі я ведаю, у яго былі добрыя стасункі зь Віктарам Юшчанкам і „памаранчавым“ урадам, але зь нейкіх прычынаў кепскія зь Віктарам Януковічам, у іх быў канфлікт. Лукашэнка заўсёды добра трымаў расейскі націск, асабліва на першым этапе вайны ва Ўкраіне. Было б вельмі небясьпечна, калі б Беларусь уключылася ў гэтую справу», — заявіў ён.

Саакашвілі таксама патлумачыў, чаму павіншаваў Лукашэнку пасьля выбараў 2010 году, нягледзячы на жорсткі разгон Плошчы:

«Тады для нас выбар быў вельмі канкрэтны. Лукашэнка быў пад вялікім ціскам Крамля. Гэта быў ня проста ціск, а шантаж: яму прапаноўвалі $ 2 млрд для вельмі слабай беларускай гаспадаркі (у прынцыпе, слабай і цяпер), каб ён прызнаў Паўднёвую Асэтыю і Абхазію. І ён гэтага не зрабіў. Я не магу гэтага забыць, гэта было вельмі важна для нас, для такой маленькай краіны як Грузія. Гэта быў сыгнал не Лукашэнку, а беларускаму народу. У той час існавалі пэўныя палітычныя ўмоўнасьці, ад якіх я цяпер не адмаўляюся.

Я разумею, якія праблемы зьвязаныя з кіраваньнем Лукашэнкі, але калі Ўкраіне было важна, каб падчас вайны на ўсходзе Беларусь заняла нэўтральную пазыцыю, Беларусь заняла яе».

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG