Лінкі ўнівэрсальнага доступу

Беларуская чыгунка пусьціць новыя цягнікі ў Вільню, Хэрсон і Бар


У графіку на 2015-2016 гады прадугледжаныя 30 міжнародных пасажырскіх цягнікоў фармаваньня БЧ.

Беларуская чыгунка ўвяла новы графік руху пасажырскіх цягнікоў, ён набыў сілу 13 сьнежня ад 12-й ночы.

У графіку руху на 2015-2016 гады зьявіліся новыя цягнікі № 284/283 Баранавічы-Хэрсон (Украіна) і № 816/815 Гародня-Вільня (Літва). Цягнік, які раней хадзіў да Сымфэропаля (Крым, Украіна) цяпер будзе хадзіць празь дзень летам да Новааляксееўкі (Украіна), узімку да Запарожжа (Украіна).

Упершыню Беларуская чыгунка ўводзіць бесьперасадачныя вагоны Менск-Бар (Чарнагорыя), ён будзе хадзіць летам раз на тыдзень. Тры разы на тыдзень узімку будзе хадзіць дадатковы бесьперасадачны вагон Менск-Бялград (Сэрбія), двойчы на тыдзень узгоднены бесьперасадачны вагон Менск-Варна (Баўгарыя). У склад расейскага цягніка Масква-Варшава штодзень будуць дадавацца два вагоны Менск-Варшава. А цягнік Менск-Варшава, які раней хадзіў двойчы на тыдзень, цяпер будзе хадзіць «па ўказаньні».

На сьвяты і вялікія выходныя захаваныя папулярныя цягнікі на Расею: Берасьце-Санкт-Пецярбург, Гародня-Масква і Берасьце-Масква. Гомель-Санкт-Пецярбург (Расея) цяпер будзе штодзённым, а вось Менск-Адэса (Украіна) стане хадзіць радзей: летам празь дзень, узімку «па датах» (раней летам ён быў штодзённым).

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG