Лінкі ўнівэрсальнага доступу

Толькі за тыдзень нафта патаньнела на 10%. У ЗША яна каштуе ўжо 35,6 даляра


Oil

Кошт здабытай у ЗША нафты ўпаў у пятніцу на 3,5 адсотка — да 35 даляраў 62 цэнтаў за барэль. За апошні тыдзень нафта патаньнела больш чым на 10 адсоткаў.

На працягу таргоў цэны нафты маркі Brent і заходнетэхаскай нафты WTI апускаліся больш чым на 5 адсоткаў. Безупыннае падзеньне цэнаў на нафту пачалося на мінулым тыдні пасьля рашэньня краінаў-сябраў АПЭК не скарачаць здабычу нафты. Паводле апошніх дадзеных, сябры арганізацыі дасягнулі ў лістападзе самага высокага з канца 2008 году ўзроўню вытворчасьці нафты, у той час, як Міжнародная энэргетычная агенцыя ў апублікаванай у пятніцу справаздачы адзначае падзеньне сусьветнага попыту на энэрганосьбіты.

Пасьля закрыцьця таргоў зьявілася інфармацыя пра тое, што забарона на экспарт амэрыканскай нафты, уведзеная 40 год таму, можа быць адмененая ўжо ў наступным годзе. Сябры Кангрэсу абмяркоўваюць гэтую меру ў якасьці аднаго з пунктаў новага дзяржаўнага бюджэту. Выхад амэрыканскай нафты на сусьветныя рынкі, хутчэй за ўсё, прывядзе да яе патаньненьня.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG