У Бэльгіі затрыманыя яшчэ двое падазраваных у датычнасьці да тэрактаў ў Парыжы — грамадзянін Францыі і падданы Бэльгіі. Пра гэта 3 сьнежня паведаміла генэральная пракуратура ў Бруселі. Абодва застануцца пад арыштам на працягу месяца.
Дваццацігадовы француз і 28-гадовы бэльгіец былі затрыманыя ў нядзелю 29 лістапада — першы ў аэрапорце Брусэля, адкуль ён зьбіраўся вылецець у Марока, другі падчас ператрусу кватэры ў раёне Моленбек. Менавіта ў гэтым брусэльскім раёне жылі двое з групы тэрарыстаў, якія забілі 130 чалавек у Парыжы ўвечары 13 лістапада.
У Бэльгіі абвінавачваньні ў датычнасьці да парыскіх тэрактаў прад’яўленыя ўжо васьмі затрыманым.
