У Брусэлі міністры замежных спраў краінаў НАТО вырашылі пачаць перамовы аб уступленні Чарнагорыі ў Паўночнаатлянтычны альянс. Пра гэта сёньня заявіў кіраўнік НАТО Енс Столтэнбэрг.
Чарнагорыя, насельніцтва якой складае 600 тысяч, стане 29-м чальцом НАТО.
Апошні раз пашырэнне НАТО адбылося ў 2009 годзе, калі ў Паўночнаатлантычны саюз ўступілі Альбанія і Харватыя.
Расея, якая выступала супраць пашырэння НАТО, папярэджвала Чарнагорыю, што яе далучэньне да гэтага вайскова-палітычнага блёка будзе разглядацца як правакацыя.
«Уступленьне Чарнагорыі ў НАТО стане яшчэ адным важным крокам у эўраатлянтычнай інтэграцыі ўсяго заходнебалканскага рэгіёну і дасьць зразумець, што НАТО пакідае свае дзьверы адчыненымі, каб завяршыць нашу канцэпцыю Эўропы як непадзельнага, свабоднага і мірнага кантынэнту», — адзначыў Енс Столтэнбэрг.
Кіраўнікі МЗС краінаў НАТО запрасілі Чарнагорыю ў альянс
Самае папулярнае
1