Прэзыдэнт Казахстану Нурсултан Назарбаеў у панядзелак выступіў са штогадовым пасланьнем краіне, у якім зрабіў шэраг важных заяваў па эканоміцы.
Па-першае, паводле Назарбаева, курс тэнге, нацыянальнай валюты Казахстану, ня будзе больш штучна падтрымлівацца і застанецца плывучым.
«Прынцыповы момант заключаецца ў тым, што вяртаньня да практыкі бясконцага падтрыманьня курсу нацыянальнай валюты за кошт сродкаў Нацыянальнага фонду ня будзе», — заявіў Назарбаеў.
Кіраўніцтва Казахстану адпусьціла тэнге ў «свабоднае плаваньне» ў жніўні 2015 году. Тады даляр каштаваў 188 тэнге, цяпер — 308. З моманту «адвязкі» нацыянальная валюта Казахстана «прасела» на 63,8%.
Нягледзячы на гэта, прэзыдэнт заклікаў грамадзян Казахстану «ўмацаваць» давер да тэнге, у тым ліку і за кошт адмовы ад разьлікаў і укладаў у далярах.
Ніколі раней наш народ ня жыў так добра, як цяпер
«Нам усім трэба паверыць у нацыянальную валюту — тэнге. Уклады ў тэнге — цяпер гэта лепшы сродак для захоўваньня назапашваньняў грамадзян», — падкрэсьліў Назарбаеў.
Па-другое, Назарбаеў нагадаў, што Казахстан — краіна з рынкавай эканомікай. Неэфэктыўным кампаніям (у тым ліку і дзяржаўным) або тым, якія ня здолелі вырашыць свае праблемы, прыйдзецца сысьці з рынку.
«Рынкавая эканоміка — гэта канкурэнцыя моцных. Мы не павінны цягнуць неканкурэнтныя кампаніі за кошт дзяржавы. Даручаю ўраду распрацаваць дакладныя і зразумелыя працэдуры банкруцтва для фізычных і юрыдычных асоб. Яна павінна быць максымальна аблегчана», — адзначыў Назарбаеў.
Таксама Назарбаеў заявіў народу, што «Ніколі раней наш народ ня жыў так добра, як цяпер». І каб працягваць падтрымліваць гэты ўзровень, у бліжэйшыя 10 гадоў Казахстану неабходна забясьпечыць штогадовы рост эканомікі на ўзроўні 5% і ўдвая павялічыць прадукцыйнасьць працы.
А вось што ў пасланьні прэзыдэнта хацелі пачуць самі жыхары Казахстану: