Лінкі ўнівэрсальнага доступу

Віцябляне ўсклалі кветкі да помніка Ўладзімеру Караткевічу


Помнік Караткевічу ў Віцебску

Гэта была не арганізаваная імпрэза, а прыватная ініцыятыва гараджан. Таксама ў Віцебску адбылася вечарына памяці пісьменьніка.

Паводле найстарэйшага віцебскага актывіста Барыса Хамайды, каля помніка пісьменьніку ў яго адбылася незвычайная сустрэча.

З кветкамі прыехаў Анатоль Бычкоў, даўні прыхільнік таленту Караткевіча.

Спадар Бычкоў апавёў, што калісьці так захапіўся творамі пісьменьніка, што напісаў яму ліст. І Караткевіч запрасіў адданага чытача ў госьці. Было гэта ў 1981 годзе, і з тае пары Бычкоў некалькі разоў прыяжджаў у Менск у госьці.

Шчырае сяброўства абарвалася са сьмерцю Караткевіча, але Анатоль Бычкоў штогод адзначае дзень народзінаў сябра.

На 85-я ўгодкі ён вырашыў прыехаць у Віцебск з Шумілінскага раёну, дзе жыве цяпер — адмыслова, каб прыйсьці ў гэты дзень да помніка.

Кветкі да помніка Караткевічу. Барыс Хамайда і Анатоль Бычкоў (справа)
Кветкі да помніка Караткевічу. Барыс Хамайда і Анатоль Бычкоў (справа)

Таксама ў віцебскай абласной бібліятэцы імя Леніна прайшла вечарына «І не зьнікаць паэтам вечна», прысьвечаная 85-м угодкам Уладзімера Караткевіча.

Сярод выступоўцаў былі літаратары і дасьледчыкі творчасьці Караткевіча. Акторы тэатру «Лялька» паказалі фрагмэнты спэктакляў па творах пісьменьніка-юбіляра. Заля была поўная гледачоў, у тым ліку надзвычай шмат было студэнцкай моладзі.

Фрагмэнт імпрэзы
Фрагмэнт імпрэзы

Поўная заля гледачоў
Поўная заля гледачоў

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG