Жывая трансьляцыя
У Менску каля ГУМу зьбіраюцца людзі на акцыю памяці да гадавіны рэфэрэндуму 1996 году. Сярод удзельнікаў Уладзімер Някляеў.
Людзі трымаюць партрэты зьніклых палітыкаў Юр’я Захаранкі, Віктара Ганчара, а таксама запаленыя зьнічы. Мікалай Статкевіч кажа, пра тое, што ўдзельнікі шэсьця пойдуць да будынку МУС, а потым да будынку ЦВК.
Людзі ідуць уздоўж праспэкта Незалежнасьці.
Наперадзе калёны ідуць палітыкі Мікалай Статкевіч, Уладзімер Някляеў і актывіст Максім Вінярскі.
Каля будынку стаіць самазвал, вугал агароджаны мэталёвай агароджай. Гэта зроблена для таго, каб перашкодзіць удзельнікам акцыі паставіць зьнічы.
«Вось так яны шануюць памяць Юр’я Захарнкі, які раней узначальваў МУС. Агарадзілі мэталёвым плотам», — кажа Статкевіч.
Удзельнікі акцыі падыходзяць да будынку ЦВК, каб ушанаваць памяць Віктара Ганчара.
Супрацоўнікі ў цывільным назіраюць за акцыяй, але людзей не чапаюць.