Лінкі ўнівэрсальнага доступу

Інтэрнэт-пірату давядзецца рэклямаваць ролік з раскаяньнем, каб захаваць грошы


У якасьці пакараньня чэскі кампутарны пірат павінны разьмясьціць на партале Youtube ролік пра сябе і дабіцца, каб яго паглядзелі 200 тысяч чалавек.

Першы і адзіны за ўсю гісторыю Чэскай Рэспублікі кампутарны пірат, над якім у свой час прайшоў суд, 30-гадовы Якуб Ф. дамовіўся аб «альтэрнатыўным пакараньні», паведамляе чэскае радыё.

У свой час Якуб Ф. распаўсюджваў у сетцы спасылкі, па якіх людзі маглі бясплатна спампаваць праграмнае забесьпячэньне, у прыватнасьці Windows 7 і Windows 8. Агульная шкода, якую ён нанёс вытворцам ліцэнзійнай прадукцыі, склала 5,7 мільёнаў крон (прыкладна 210 тысяч эўра). Суд пастанавіў, што Якуб Ф. павінен выплаціць пазоўніку — Альянсу вытворцаў праграмнага забесьпячэньня BSA — гэтую суму. Аднак у пірата няма такіх грошай, таму BSA і Якуб Ф. дасягнулі пагадненьня: пірат заплаціць меншую суму, але пры гэтым вырабіць і разьмесьціць на Youtube відэаролік пад назвай «Гісторыя майго пірацтва».

Ролік, вядома ж, будзе зроблены ў жанры «раскаяньня». Якуб Ф. павінен не толькі разьмясьціць яго ў інтэрнэце, але і зрабіць так, каб відэа паглядзелі як мінімум 200 тысяч чалавек. У тым выпадку, калі такой лічбы гледачоў дасягнуць не атрымаецца, Якуб Ф. павінен будзе заплаціць BSA ўсе 5.700.000 крон.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG