Лінкі ўнівэрсальнага доступу

Брытанія і Францыя шукаюць расейскую падлодку на ўзьбярэжжы Шатляндыі


Расейская падлодка, ілюстрацыйнае фота

Брытанскія вайскоўцы не раскрываюць дэталяў апэрацыі, але прызнаюць: давялося зноў зьвяртацца па дапамогу да саюзьнікаў.

Францускія і канадзкі самалёты патрулююць прыбярэжныя воды на поўнач ад Шатляндыі ў пошуках расейскай падлодкі, паведамляе The Daily Telegraph. Брытанія была вымушаная зьвярнуцца па замежную дапамогу, бо ў 2010-м сьпісала ўласную антыпадлодачную авіяцыю.

Па зьвестках выданьня, падлодку шукаюць 10 дзён. Разам з францускімі самалётамі ў апэрацыі задзейнічаныя брытанскія фрэгат HMS Sutherland і «паляўнічая» падводная лодка. Мяркуецца, што расейская падлодка магла шпіёніць за брытанскай падлодкай зь ядзернымі балістычнымі ракетамі «Трайдэнт».

Міністэрства абароны Вялікабрытаніі адмовілася раскрываць дэталі апэрацыі, але пацьвердзіла, што самалёты саюзьнікаў дапамагаюць у апэрацыі ў затоцы Моры-Фэрт.

Цяперашняя апэрацыя ўжо трэцяя за год, калі Брытанія зьвяртаецца да саюзьнікаў па дапамогу ў пошуках расейскай субмарыны. Актыўнасьць расейскіх падлодак, сьцьвярджае The Daily Telegraph, вырасла да ўзроўню, якога ня бачылі ўжо цягам дзесяцігодзьдзяў.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG