Жыхары бэльгійскай сталіцы і бэльгійскія ўлады асьцерагаюцца верагоднага тэрарыстычнага нападу. Мінулае ночы і сёньня днём вуліцы Брусэлю заставаліся амаль пустымі, рэстараны і бары зачыніліся раней звычайнага.
У горадзе працягваецца вышук падазраванага ў датычнасьці да тэрактаў у Парыжы дзевяць дзён таму Салах Абдеслама, які хаваецца. Знаёмыя і суседзі ўцекача паведамілі, што нядаўна бачылі яго ў Брусэлі і чулі пра яго намеры зьехаць у Сырыю.
Як паказала расьсьледаваньне парыскіх тэрактаў, ахвярамі якіх сталі 130 чалавек, база баевікоў «Ісламскай дзяржавы» знаходзілася менавіта ў Брусэлі.
Зь мінулай пятніцы ў сталіцы Бэльгіі дзейнічае найвышэйшы ўзровень тэрарыстычнай небясьпекі.
