Уначы на могілках «Экімань», разьмешчаных паміж курганам Неўміручасьці і мастом праз Заходнюю Дзьвіну на ўскраіне Полацку, разбурылі 63 надмагільлі.
Па падазрэньні ў злачынстве затрыманы 25-гадовы жыхар Полацку й два яго непаўналетнія хаўрусьнікі.
Полацкі міжраённы адзьдзел Сьледчага камітэта распачаў крымінальную справу па факце масавага разбурэньня надмагільляў, паведамляе БелаПАН.
Інцыдэнт адбыўся ў ноч на 7 лістапада. Справа распачата па ч. 1 арт. 347 КК (зьдзек з магілы).
«Мала таго што яны павалілі помнікі, дык яшчэ і паразьбівалі, крыжы скінулі ў кучу і падпалілі. Вянкі на магілах падпалілі таксама. Магілы чорныя былі», — паведамлецца «Ўкантакце».
Сьледчыя вызначаюць агульную суму нанесенай шкоды, дапытваюць падазраваных асобаў, шукаюць сьведак і пацярпелых.