Лінкі ўнівэрсальнага доступу

Рауль Кастра ня хоча, каб кубінцы «стаміліся» ад яго


Рауль Кастра

Кіраўнік Дзяржсавету Кубы ня стане зноў вылучаць сваю кандыдатуру на гэту пасаду, паколькі асьцерагаецца, што ў адваротным выпадку насельніцтва краіны «стоміцца» ад яго. Пра гэта 7 лістапада паведаміла агенцтва «РИА Новости».

Пра цьвёрды намер сысьці ў адстаўку 24 лютага 2018 году адразу пасьля заканчэньня тэрміну дзейнасьці на пасадзе старшыні Дзяржсавету Кастра-малодшы заявіў на абедзе, які ладзіў у яго гонар прэзыдэнт Мэксыкі Энрыке Пенья Ньета. У гэтай краіне Кастра знаходзіцца з афіцыйным візытам.

Кіраўніком кубінскай дзяржавы Кастра-малодшы стаў у 2008 годзе. Да гэтага ён два гады выконваў абавязкі кіраўніка Дзяржсавету пасьля адстаўкі свайго старэйшага брата Фідэля Кастра. У 2013 годзе пасьля пераабраньня на пасаду кіраўніка Кубы Рауль Кастра заявіў, што ня будзе вылучаць сваю кандыдатуру на выбарах 2018 году.

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG