Лінкі ўнівэрсальнага доступу

ЗША ўмацоўваюць сувязі з паўднёвымі суседзямі Расеі


Джон Кэры падчас візыту ў Казахстан. 2 лістапада 2015 году
Джон Кэры падчас візыту ў Казахстан. 2 лістапада 2015 году

Дзяржсакратар ЗША Джон Кэры завяршыў турнэ па пяці цэнтральнаазіяцкіх краінах, рэспубліках былога СССР, падчас якога ён наведаў Узбэкістан, Кыргызстан, Казахстан, Таджыкістан і Туркмэністан.

Дзяржаўны сакратар ЗША Джон Кэры па выніках сваіх паездак па рэгіёне Цэнтральнай Азіі адзначыў узрослую інтэнсіўнасьць шматбаковага дыялёгу ЗША з гэтымі дзяржавамі, і перш за ўсё, з Туркмэністанам.

У аўторак у Ашгабадзе, перад пачаткам сустрэчы з прэзыдэнтам гэтай краіны Гурбангулы Бердымухамедавым, Кэры заявіў, што яго візыт у Туркмэністан стаў першай паездкай кіраўніка амэрыканскай дыпляматыі ў гэтую краіну з 1992 году.

Раней Джон Кэры адзначыў, што ў час яго сустрэчы ў Самаркандзе з кіраўнікамі МЗС краінаў рэгіёну, адбылася важная размова па эканамічным разьвіцьці, стане межаў і бясьпецы.

У аўторак перад візытам у Туркмэністан Кэры наведаў Душанбэ, дзе выказаў падтрымку прэзыдэнту Таджыкістану Эмамалі Рахмону ў барацьбе з ісламісцкім падпольлем і пацьвердзіў прыхільнасьць ЗША ўмацаваньню межаў паміж Таджыкістанам і Аўганістанам.

Вашынгтон і ў далейшым будзе падтрымліваць бясьпеку межаў краінаў Цэнтральнай Азіі, — заявіў дзяржсакратар ЗША ў адказ на клопат Таджыкістану, які мяжуе з Аўганістанам, адносна магчымага пранікненьня ісламісцкіх баевікоў.

Раней ЗША і Казахстан заявілі аб падтрымцы «менскага працэсу» як адзінага спосабу для ўрэгуляваньня канфлікту і аднаўленьня міру ў памежных абласьцях усходняй Украіны. Пра гэта гаворыцца ў выніковым камюніке, распаўсюджаным у панядзелак, 2 лістапада, пасьля сустрэчы дзяржсакратара ЗША Джона Кэры зь міністрам замежных спраў Казахстана Ерланам Ідрысавым у Астане.

У ім адзначаецца, што ЗША высока ацанілі прыхільнасьць Казахстану да пашырэньня эканамічнага супрацоўніцтва з Украінай. ЗША таксама віталі лідэрства Казахстану ў падтрыманьні бясьпекі і разьвіцьця ў Аўганістане і ў прасоўваньні рэгіянальнай эканамічнай інтэграцыі ў Цэнтральнай Азіі.

Амэрыканскі бок падзякаваў Казахстану за арганізацыю рэгіянальнай канфэрэнцыі па барацьбе з экстрэмізмам у чэрвені 2015 году.

У часе турнэ кіраўнік зьнешнепалітычнага ведамства ЗША Джон Кэры і міністры замежных спраў Узбэкістану, Казахстану, Кыргызстану, Таджыкістану і Туркмэністану на сустрэчы ў Самаркандзе (Узбэкістан) ухвалілі сумесную дэклярацыю, стварыўшы новы фармат «Пяць плюс адзін» (С5 + 1).

У дакумэнце адзначаецца пра намер удзельнікаў перамоваў паглыблена супрацоўнічаць па шырокім коле пытаньняў, у прыватнасьці, па супрацьдзеяньні гандлю людзьмі, незаконным абароце наркотыкаў, падтрымцы бясьпекі і стабільнасьці ў Аўганістане.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG