Лінкі ўнівэрсальнага доступу

Беларусаў заклікаюць прыносіць кветкі да пасольтва РФ ці помнікаў Пушкіну


Блізкія пасажыраў рэйсу 9268 у аэрапорце «Пулкава» ў Санкт-Пецярбургу

У сувязі з крушэньнем авіяляйнэра ў Эгіпце 1 лістапада ў Расеі — дзень жалобы.

У сацыяльных сетках беларусаў заклікаюць прыносіць сёньня кветкі да расейскага пасольства ці помнікаў Пушкіну.

На дадзены момант афіцыйна не пацьверджана, ці нехта з пасажыраў выжыў у авіякатастрофе, што здарылася ў Эгіпце ў суботу раніцай. Паводле апошняй інфармацыі, знойдзеныя целы каля 100 чалавек.

Самалёт Airbus авіякампаіі «Кагалымавія» выконваў рэйс Шарм-эш-Шэйх — Санкт-Пецярбург раніцай 31 кастрычніка. Праз 23 хвіліны пасьля вылету з самалётам была згублена сувязь і ён зьнік з радараў. У хуткім часе было пацьверджана яго крушэньне на Сынайскай паўвысьпе ў Эгіпце. На борце знаходзіліся 200 дарослых пасажыраў, 17 дзяцей, 7 членаў экіпажу. Усе — грамадзяне Расеі. Прычынай авіякатастрофы папяэднне называюцца тэхнічныя няспраўнасьці. Вядома, што цягам тыдня пілот паведамляў пра непаладкі з рухавіком. Пасьля вылету ён таксама запытваў экстранную пасадку, але потым перастаў выходзіць на сувязь.

Глядзець камэнтары (8)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG