Лінкі ўнівэрсальнага доступу

Ужо сёньня 27 кастрычніка 2015: Фотавыстава «Жыцьцё» ў Менску; дзень памяці Вітаўта


Князь Вітаўт

Падзеі і даты гэтага дня

Афіша:

У Музэі сучаснага мастацтва (Менск, пр. Незалежнасьці, 47) адкрываецца фотавыстава «Жыцьцё». Выстава распавядзе дзьве гісторыі – першай мадэлі зь Дзіцячым цэрэбральным паралічом у Беларусі Ангеліны Ўэльскай і актора з сындромам Даўна Андрэя Гарбаценкі. Фотавыстава «Жыццё» зьяўляецца часткай праекту «Мастацтва за інклюзію людзей з інваліднасьцю», накіраванага на фармаваньне станоўчага стаўленьня да людзей з інваліднасьцю, які рэалізуе Беларуская асацыяцыя дапамогі дзецям-інвалідам і маладым інвалідам пры падтрымцы Агенцтва ЗША па міжнародным разьвіцьці USAID. Пачатак а 17.00.

У Галерэі сучаснага мастацтва «Ў» у Менску пройдзе лекцыя пра фэмінізм у сучасным польскім тэатры. Лекцыю прачытае польская дасьледніца Агата Адамэцка-Сітэк, кіраўніца навукова-выдавецкага аддзела Тэатральнага інстытуту ў Варшаве. Пачатак а 19.00.

У Менску ў Нацыянальнай акадэміі навук адбудзецца Міжнародная канфэрэнцыі па квантавай оптыцы і квантавай інфармацыі, у якой возьмуць удзел сусьветна вядомыя навукоўцы Расеі, Францыі, ЗША, Нямеччыны, Аўстрыі, Швэцыі, Вялікабрытаніі, Аўстраліі, Нідэрляндаў, Гішпаніі, Румыніі і іншых краінаў.

У Менску ў «Прэзыдэнт-гатэлі» пройдзе пасяджэньне Трохбаковай кантактнай групы па ўрэгуляванні канфлікту на Данбасе.

У гісторыі:

1875 — нарадзіўся Леў Клейнбарт, расейскі і беларускі крытык і літаратар. дасьледчык асноўных тэндэнцый і кірункаў беларускага літаратурнага руху.

1890 — нарадзіўся Віктар Шутовіч, беларускі каталіцкі сьвятар, публіцыст.

1911 — нарадзіўся Мікола Лобан, беларускі пісьменьнік і мовазнаўца.

1926 — нарадзіўся Барыс Бокуць, савецкі і беларускі фізік-тэарэтык, акадэмік Нацыянальнай акадэміі навук Беларусі (1980).

1939 — літоўскія войскі ўвайшлі ў Вільню, якую СССР перадаў Літве.

1989 — на вайсковай базе пад Станькавам на Койданаўшчыне, згодна з савецка-амэрыканскай дамовай пра ліквідацыю ракетаў сярэдняй і меншай дальнасьці, была зьнішчаная апошняя ракета СС-23.

У памяці:

1430 — памёр Вітаўт, Вялікі князь Літоўскі, пры якім Вялікае Княства Літоўскае стала самай вялікай дзяржавай у Эўропе — ад Балтыкі да Чорнага мора.

1837 — памёр Міхал Гузікаў, беларускі музыка, аўтар уласнай мадэлі ксыляфону.

1887 — памёр Браніслаў Мінейка, удзельнік паўстаньня 1863-1864 гадоў.

1907 — памёр Зыгмунт Чаховіч, удзельнік паўстаньня 1863-1864 гадоў.

Цытата:

«Пасварыўся Пратон з Электронам,
Электрон на Пратона крычаў:
— Хто прыдумаў такія законы:
ты сядзіш, як апошні гультай,
я ж адзіны кручуся, лятаю,
аніколі спакою ня знаю,
вечна ў руху па замкнутым крузе,
ты ж адно толькі знаеш — хітруеш,
як мяне пад сябе падабраць! —
Тут Пратон адгукнуўся зь Ядра:
— Во, дзівак, яму цяжка круціцца!
Ды ня можаш ты проста спыніцца,
бо калі твая хуткасьць міне,
ты адразу ўпадзеш на мяне...»

Зьмітрок Кузьменка

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG