Урад Беларусі склаў паўнамоцтвы перад ізноў абраным прэзыдэнтам. Усе сябры ўраду працягваюць выконваць сваё абавязкі з прыстаўкай «в. а.».
Пра гэта паведамляе агенцтва «Інтэрфакс-Захад» са спасылкай на Савет міністраў.
Гэтае рашэнне ўтрымліваецца ў пастанове Саўміну № 870. «У адпаведнасьці з артыкулам 106 Канстытуцыі Рэспублікі Беларусь, артыкулам 9 Закону Рэспублікі Беларусь ад 23 ліпеня 2008 году „Аб Савеце Міністраў Рэспублікі Беларусь“ скласьці паўнамоцтвы ўраду Рэспублікі Беларусь перад ізноў абраным прэзыдэнтам», — гаворыцца ў дакумэнце.
Пастанова ўступае ў сілу з дня яе прыняцьця.
Выбары прэзыдэнта Беларусі прайшлі 11 кастрычніка. Паводле зьвестак ЦВК, за дзейнага кіраўніка дзяржавы Аляксандра Лукашэнку прагаласавала 83,47% выбаршчыкаў.
