Лінкі ўнівэрсальнага доступу

Ярмошына ня хоча мяняць выбарчую працэдуру


Падлік галасоў вачыма назіральнікаў

«Цэнтравыбаркам не зьбіраецца нічога мяняць у выбарчай працэдуры». Пра гэта заявіла старшыня камісіі Лідзія Ярмошына пасьля завяршэньня паседжаньня ЦВК.

На пытаньне Свабоды — ці будуць уносіцца зьмены ў працэдуру падліку галасоў, якая выклікала шмат нараканьняў з боку назіральнікаў, — спадарыня Ярмошына адказала, што ніякіх зьменаў не плянуецца:

«Што там можна мяняць? Там усё прапісана, што яшчэ можна дадаць? Трэба проста правільна лічыць. У нас такія зразумелыя інструкцыі, што падвесьці вынікі выбараў могуць нават дзеці, якія ўмеюць лічыць».

Карэспандэнт Свабоды таксама пацікавіўся ў Лідзіі Ярмошынай, ці магчымы пераход парлямэнцкіх выбараў у Беларусі, якія адбудуцца ўвосень 2016 году, на зьмяшаную сыстэму, калі частка дэпутатаў абіраецца ў акругах, а частка — па партыйных сьпісах. Менавіта з ініцыятывай аддаць 30% месцаў у парлямэнце партыйным дэпутатам выступаюць нядаўнія ўдзельнікі прэзыдэнцкіх выбараў — Сяргей Гайдукевіч і Мікалай Улаховіч.

На гэта спадарыня Ярмошына адказала адмоўна: «Я думаю, гэта немагчыма. Справа ў тым, што калі на такое пайсьці, то трэба зьмяняць Канстытуцыю. У Асноўным Законе прапісаная працэдура адкліканьня дэпутата. Там указана, як гэта робіцца, калі чалавек абраны па акрузе. А вось працэдуры адкліканьня дэпутата, абранага па партыйным сьпісе, няма. Таму бязь зьмены Канстытуцыі гэтае пытаньне ня вырашыш».

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG