Лінкі ўнівэрсальнага доступу

Ужо сёньня, 14 кастрычніка: 100 гадоў з дня нараджэньня Ўсевалада Краўчанкі, вечарына памяці Зьмітра Сідаровіча


Падзеі гэтага дня ў Беларусі, сьвеце, гісторыі.

Фота дня

Новае фота кожны дзень, увесь год. Загружайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015 альбо на пошту radiosvaboda@gmail.com.Пажадана дасылаць фота ў прапорцыі 16 на 9. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.

Афіша

Сусьветны дзень стандартызацыі.

У Беларусі — дзень маці.

Брусэль, у Эўрапарлямэнце адбудзецца дыскусія пра адносіны Эўразьвязу і Беларусі пасьля прэзыдэнцкіх выбараў. Арганізатарам мерапрыемства выступае Форум грамадзянскай супольнасьці Ўсходняга партнэрства,

Менск, Галерэя Ў (пр-т Незалежнасьці, 37а), вечарына памяці Зьмітра Сідаровіча, беларускага музыкі, барда, дудара, кіраўніка вядомага ў сярэдзіне 1990-х гадоў гурту «Камэлот». Пачатак а 19 гадзіне.

Менск, Нацыянальны гістарычны музэй (вул К. Маркса, 12), адкрыцьцё выставы фатаграфіі Беластоку «Салавейчык — Аўгусьціс. Пачатак і канец эпохі».

Менск, прэсавая канфэрэнцыя першага намесьніка старшыні Лібэральна-дэмакратычнай партыі Алега Гайдукевіча адбудзецца ў офісе партыі па адрасе: вул. Арлоўская, 40. Пачатак а 14 гадзіне.

Гомель, Галерэя імя Вашчанкі (вул. Карповіча, 4), экскурсія «Ад Вашчанкі да Калевалы». Пачатак у 17 гадзінаў.

Франкфурт, адкрыцьцё штогадовага кніжнага кірмашу.

У гісторыі

1529 — скончылася аблога туркамі Вены. Турэцкая армія сыходзіць ад гарадзкіх муроў ні з чым.

1773 — У Рэчы Паспалітай створана Адукацыйная камісія — першае ў сьвеце міністэрства адукацыі.

1851 — у Лёндане заснаванае адно з найбольшых прэс-агенцтваў у сьвеце Reuters.

1942 — нацысты зьнішчылі Кобрынскае гета.

1962 — амэрыканскі самалёт-выведнік выяўляе савецкія ракеты на Кубе, пачатак Карыбскага крызісу.

1964 — Мікіта Хрушчоў зьняты з пасады першага сакратара КПСС.

1981 — Хосьні Мубарака выбралі прэзыдэнтам Эгіпту. На гэтай пасадзе ён заставаўся амаль 30 гадоў.

У гэты дзень нарадзіліся

1890 — Дуайт Эйзэнхаўэр, 34-ы прэзыдэнт ЗША, камандуючы амэрыканскімі войскамі ў Эўропе падчас Другой сусьветнай вайны.

1899 — Адам Бабарэка, беларускі пісьменьнік, адзін з арганізатараў і кіраўнікоў літаратурных аб’яднаньняў «Маладняк» і «Узвышша».

1903 — Сямён Косбэрг, савецкі канструктар авіяцыйных і ракетных рухавікоў. Пад яго кіраўніцтвам створана сэрыя вадкасных ракетных рухавікоў, які выводзілі ў космас касьмічныя караблі, спадарожнікі Зямлі і аўтаматычныя міжплянэтныя станцыі. Яго імем названая вуліца ў Слуцку і кратэр на Месяцы.

1915 — Усевалад Краўчанка, беларускі пісьменьнік, загадкава загінуў у Канах у 1961 годзе.

1940 — Кліф Рычард, брытанскі сьпявак.

1943 — Гары Паганяйла, беларускі адвакат і праваабаронца .

1946 — Дэн Маккафэрці, заснавальнік і вакаліст рок-гурту «Nazareth».

У гэты дзень памерлі

2004 — Іван Шамякін, беларускі пісьменьнік

Цытата

Інтэлектуал — гэта чалавек, які карыстаецца большай колькасьцю словаў, чым неабходна, каб паведаміць суразмоўцу больш, чым самому вядома.

Дуайт Эйзэнхаўэр

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG