Лінкі ўнівэрсальнага доступу

Лукашэнка: Тацяна, мы ведаем, хто твой муж


Кіраўнік Беларусі Аляксандар Лукашэнка падчас размовы з журналістамі даў ацэнку некаторым са сваіх апанэнтаў.

«Прэзыдэнт у нашай краіне займаецца многімі пытаньнямі — ад бясьпекі да эканомікі, якія чалавек у спадніцы пакуль, напэўна, ня зможа выконваць, а калі і зможа, то наша грамадзтва да гэтага яшчэ не гатова. А тое, што жанчына вылучылася, я вельмі рады, гэта нармальна. Прычым я паназіраў — так, апазыцыянэр, але не крычыць жа гвалтам — на плошчу, ламаць, крышыць», — сказаў ён пра Тацяну Караткевіч.

На яго думку, Караткевіч — «цалкам нармальны, разумны чалавек. У яе ёсьць сваё разуменьне, як у той жа Алексіевіч».

Лукашэнка адзначыў, што ў Беларусі ў многіх людзей ёсьць уласная думка і прэзыдэнт не зьбіраецца зь імі ваяваць, а будзе пераконваць. Ён нагадаў, што ў 2010 годзе для Беларусі «быў нарыхтаваны майдан», і пра тое, як у 2006 годзе «наркату і шпрыцы даставалі з намётаў».

«Калі цяпер зламалі Ўкраіну, вы зразумелі, што Лукашэнка ў 2010 годзе меў рацыю? Вось выбары і пакажуць — меў рацыю Лукашэнка ці не».

Адказваючы на пытаньне, ці гатовы ён прапанаваць Караткевіч які-небудзь пост, Лукашэнка адзначыў: «Важна жаданьне працаваць на дзяржаву і прафэсіяналізм».

«Я пагляджу, на што вы здольныя, які ў вас вопыт і што вы можаце пацягнуць на сваіх плячах, які хамут, той і павешу вам на шыю. Не хвалюйцеся, нам вельмі патрэбныя прафэсійныя і таленавітыя людзі. Але яна неяк заявіла, маўляў калі б я з КДБ супрацоўнічала, то мяне б мужык, маўляў... Ну, думаю, Гасподзь з табой, Тацяна, калі ты ідзеш у прэзыдэнты, ты ўжо не выказвайся так — мы ведаем, хто твой муж. У „Зубры“ ён ці дзе? Крайні апазыцыянэр. І калі ты станеш прэзыдэнтам, хто будзе кіраваць краінай? Радыкальны „зубрыст“? Ці ты?» — сказаў Лукашэнка.

Ён выказаў меркаваньне, што такіх заяў палітык рабіць не павінен, паведамляе tut.by.

Глядзець камэнтары (4)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG