Каля 100 актывістаў сабраліся на Плошчы, разгарнулі расьцяжкі і сьцягі
На Кастрычніцкай плошчы анархіст разаслаў чырвоны сьцяг і пратэстуе супраць любых выбараў
Анархіст і мастак Юры Ўрсоў зладзіў на Кастрычніцкай плошчы артыстычную інсталяцыю, галоўны сэнс якой – пратэст супраць любых выбараў і любой улады.
Ён расклаў на плошчы чырвоны сьцяг, цацачны аўтамат і ўлёткі. Сам анархіст надзеў маску і ўзяў у рукі паперку зь лёзунгам «Выборы – буржуазный інстытут».
“Я лічу, што выбары – гэта буржуазны інстытут, і тое, што робіць лібэральны Захад, спрабуючы сказаць, што Беларусь – кепская краіна, якая жыве савецкім мінулым, лічу няправільным. Я зьяўляюся анархістам і выступаю супраць дзейнай улады. Я выступаю за тое, каб грамадзтва было поўнае рэвалюцыйных мастакоў і каб не было ніякай улады”, – заявіў ён у інтэрвію Свабодзе.
Лукашэнку на выбарах падтрымалі больш за 80% выбаршчыкаў - дзяржаўныя экзытполы
Вячэрні Менск
Вячэрні Менск у дзень выбараў
Наўпроставыя ўключэньні з Плошчы
У Менску на 18:00 яўка 67,7%
Старшыня Менскай гарадской камісіі па выбарах прэзыдэнта Беларусі Зьміцер Шаўцоў паведаміў, што 11 кастрычніка па стане на 18:00 яўка ў сталіцы склала 67,7%, піша belrynok.by. Дадзеныя па іншых рэгіёнах пакуль не даступныя.
Яўка па Менску на 16:00. склала 60,67%, а ў цэлым па краіне — 74,61%.
Назіральнікам забаранілі карыстацца мабільнай сувязьзю
Старшыня 34-й выбарчай камісіі забараніў назіральнікам карыстацца тэлефонамі. Пра гэта паведамляе кампанія «Права выбару».
Паводле гэтай інфармацыі, назіральнікі адмовіліся выконваць гэтае рашэньне і напісалі скаргі. Яны гатовыя быць пазбаўленыя акрэдытацыі, кажа прадстаўнік кампаніі Ільля Дабратвор.
Варта адзначыць, што «Права выбару» выкарыстоўвае мабільную прыладу «Вочы» і СМС для апэратыўнага збору інфармацыі. Паводле правілаў кампаніі, назіральнікі павінны перадаць першыя дадзеныя ў 20:30 з дапамогай тэлефонаў.
