Выступаючы ў Рыме 7 кастрычніка, Эштан Картэр зноў паўтарыў абвінавачваньні ў тым, што Расея наносіць ўдары не па тэрарыстычнай групоўцы «Ісламская дзяржава» і назваў іх «фундамэнтальнай памылкай». Ён сказаў, аднак, што ЗША гатовыя правесьці базавыя тэхнічныя кансультацыі з Масквой пра бясьпеку пілётаў.
Між тым, расейскае агенцтва «Новости» працытавала прэс-сакратара Міністэрства абароны Расеі Ігара Канашэнкава, які заявіў, што адмова Вашынгтону падзяліцца разьведвальнымі дадзенымі аб пазыцыях баевікоў тэрарыстычнай групоўкі паказвае, што Злучаныя Штаты «шукаюць прычыны, каб адмовіцца ад супрацоўніцтва ў барацьбе зь міжнародным тэрарызмам».
