Лінкі ўнівэрсальнага доступу

Пікет Караткевіч у Сьветлагорску заглушылі


Тацяна Караткевіч, архіўнае фота

5 кастрычніка кандыдатка ў прэзыдэнты Тацяна Караткевіч ладзіла агітацыйную паездку па гарадах Гомельшчыны.

У Сьветлагорску пікет быў загадзя замоўлены каля ўнівэрсаму «Юбілейны». Але калі Тацяна Караткевіч з прадстаўнікамі сваёй каманды прыехала на пікет, там кіпела праца — клалі плітку на ходніках. Дарожная машына так грукатала вібратарам, што заглушала размову кандыдаткі ў прэзыдэнты з выбарцамі.

«Мы тэлефанавалі мясцовым уладам, у Цэнтравыбаркам, каб рамонтнікі на час сустрэчы спынілі працу — нас жа ніхто не папярэдзіў пра парадкаваньне тэрыторыі. Грукат здорава перашкаджаў. Выпадкова гэта было зроблена ці так супала, сказаць цяжка. Але ж замову на пікет мы перадалі ў райвыканкам загадзя, не за пяць хвілін да сустрэчы», — кажа Алег Шабетнік, давераная асоба кандыдаткі.

За дзесяць хвілін да заканчэньня пікету працу спынілі. Высьветлілася, што ўкладку ходнікаў замаўляла дырэкцыя ўнівэрсаму «Юбілейны».

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG