Лінкі ўнівэрсальнага доступу

Выбары ў Кыргызстане: онлайн-падлік не спрацаваў


Жанчына галасуе на парлямэнцкіх выбарах у вёсцы Кара-Жыгач, непадалёк ад сталіцы Крыгызстану, Бішкеку, 4 кастрычніка 2015 году

У Кыргызстане адбываюцца парлямэнцкія выбары, на якіх зафіксаваныя тэхнічныя праблемы і зьявіліся паведамленьні пра фальсіфікацыі.

Выбарчыя ўчасткі ўжо зачыніліся. Цэнтральнае выбарчая камісія паведаміла, што на 8 гадзін паводле мясцовага часу яўка выбарцаў склала 45.7 працэнта, а пасьля падліку 1.1 мільёна галасоў наперадзе Сацыял-дэмакратычная партыя Кыргызстану з 26 працэнтамі, а за ёй партыя Рэспубліка Ата-Юрт (Радзіма) з 21 працэнтам і партыя «Кыргызстан» з 9 працэнтамі.

Кыргыская служба Радыё Свабода паведамляе, што каля некаторых участкаў стаялі доўгія чэргі, а выбарцы скардзіліся, што ім даводзілася чакаць па 2-3 гадзіны, каб прагаласаваць.

Амаль 2.7 мільёна выбарцаў зарэгістраваліся для галасаваньня, атрымаўшы біямэтрычныя пасьведчаньні — першыя ў Цэнтральнай Азіі — якія выкарыстоўваюцца, каб ідэнтыфікаваць людзей паводле адбіткаў пальцаў і прадухіліць фальсіфікацыі.

Намесьнік прэм’ер-міністра Таірбек Сарпашаў сказаў 4 кастрычніка, што прыкладна 3-5 працэнтаў выбарцаў мелі «тэхнічныя праблемы зь біямэтрычнай сыстэмай галасаваньня».

Паводле ЦВК, інтэрнэт-сыстэма падліку галасоў не спрацавала, а аўтаматычныя ўрны для галасаваньня не працавалі на 52 з 2,374 участкаў у краіне.

Кыргыская служба Радыё Свабода таксама атрымала паведамленьні ад студэнтаў пра фальсіфікацыі на выбарах, арганізаваныя іх унівэрсытэцкімі выкладчыкамі.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG